Замак у Навагрудку – адна з самых магутных крэпасцяў Вялікага Княства Літоўскага, унікальны помнік i адзiн з узораў сярэднявечнага абарончага дойлідства, рэзідэнцыя вялікіх князёў Вялікага Княства Літоўскага, да гэтага часу застаецца ў вельмi дрэнным стане. Да нашых дзён захаваліся толькі падмуркі ўмацаванняў з руінамі вежаў.
Рэканструкцыя замка вядзецца з 2012 г. Доўгі час рабіліся спробы аднавіць руіны вежаў і ўмацаваць грунт. Дагэтуль гэта застаецца галоўнай праблемай беларускіх кансерватараў.
Адну з вежаў амаль цалкам перабудавалі з сучаснай цэглы. Для ўмацавання канструкцыі выкарыстоўваліся металічныя апоры , якія псуюць выгляд, нават нягледзячы на няўмелыя спробы «схаваць» ад турыстаў. Таму і атрымліваецца, што трэба глядзець не на гістарычны будынак, а на нейкую новабудоўлю з сучаснай цэглы, цэменту і металу.
Да другой вежы паставіліся больш далікатна, хаця, мяркуючы па агароджы, яе чакае лёс «суседкі». Рэстаўратары пастараліся, каб выгляд быў максімальна аўтэнтычным. Бачна, што для гэтага выкарыстоўвалася каменная кладка.
Аб’ектыўна кажучы, глядзець тут няма чаго. Нягледзячы на абяцанні з 2012 года, па-ранейшаму няма нават інфармацыйных стэндаў, што, на жаль, не спрыяе развiццю турызма на Навагрудычыне.
