Як паведамляе Польская памежная служба ў сваім афіцыйным твітэры, мігранты па-ранейшаму намагаюцца нелегальна трапіць на тэрыторыю Еўразвязу.
Учора, 23 лістапада, шматлікая група нелегалаў спрабавала перасекчы мяжу на ўчастках, якія ахоўваюцца польскімі памежнікамі ў Мельніку і Дубічах Цэркеўных. Паводле звестак польскага боку, каля 19.00 група з 100 мігрантаў спрабавала прарвацца на тэрыторыю Польшчы. Як падкрэслілі ў памежнай службе Польшчы, паводзіны замежнікаў былі вельмі агрэсіўнымі, у польскіх памежнікаў паляцелі камяні і іншыя прадметы. Напад кантралявалі беларускія службы.
Wczoraj tj.23.11 ok.19.00 grupa ponad 100 agresywnych cudzoziemców siłowo forsowała granicę🇵🇱🇧🇾. W służby polskie rzucano kamieniami.
Atak odbywał się pod nadzorem białoruskich służb.#zgranicy pic.twitter.com/vGwLO5MVvb— Straż Graniczna (@Straz_Graniczna) November 24, 2021
Усяго за апошнія суткі на польска-беларускай мяжы зафіксавана 267 спробаў незаконнага перасячэння мяжы.
