Уроцлаў: Ланцуг салідарнасці з беларускімі палітвязнямі
28 лістапада ўроцлаўскія беларусы правялі кампанію салідарнасці з палітвязнямі. Не перашкодзіла нават неспрыяльнае надвор’е.
Падчас акцыі людзі стаялі ў ланцугу, трымаючы на вяроўцы партрэты палітвязьняў.
Цяпер праваабарончыя арганізацыі Беларусі прызнаюць такімі 888 чалавек. Хаця зняволеных значна больш.
Мэтай акцыі было нагадаць людзям пра рэпрэсіі ў Беларусі, праблема якіх адышла на другі план ва ўмовах міграцыйнага крызісу на мяжы.