Беларускі суд зліквідаваў фонд, які займаўся рэканструкцыяй палацавага комплексу Храптовічаў у Шчорсах.
Палацавы комплекс з паркам быў створаны ў 1770-х гадах у стылі французскага класіцызму падканцлерам Літвы Яўхімам Літаворам Хрэптовічам. Праект быў створаны вядомым італьянскім архітэктарам Джузэпэ дэ Сака, які дынамічна працаваў у Вялікім Княстве Літоўскім. Інтэр’еры выканаў польскі архітэктар італьянскага паходжання Карла Спампані, курыраваў будаўніцтва француз Якуб Габрыэль.
У бібліятэцы ў Шчорсах працавалі, між іншым: паэты і філаматы – Адам Міцкевіч і Ян Чэчот, гісторык Іаахім Лелевель, юрыст Францішак Малеўскі (філамат і сябар Міцкевіча, сузаснавальнік літаратурна-палітычнага часопіса Tygodnik Petersburski), хімік Енджей Снядэцкі (распрацаваў асновы польскай хімічнай тэрміналогіі і стварыў першы польскі падручнік па хіміі), астраном і матэматык Марцін Пачобут-Адляніцкі (быў членам Літоўскай нацыянальнай рады падчас паўстання Касцюшкі).
Падчас Першай сусветнай вайны на тэрыторыі палацавага комплексу праходзіла лінія фронту, у выніку чаго комплекс панёс вялікія страты, асабліва сам палац. Пасля першай савецкай акупацыі каштоўную калекцыю антыкварыяту і твораў мастацтва вывезлі з палаца ў Маскву, а архіў — у Санкт-Пецярбург.
З 18 стагоддзя да нашага часу захаваліся бібліятэка, стайні, некалькі гаспадарчых пабудоў і парк плошчай 40 га з сажалкавым комплексам.
Фонд быў створаны ў 2017 годзе. Мэтай заснавання было адраджэнне палацавага комплексу Хрэптовічаў у Шчорсах, стварэнне папулярнага турыстычнага і культурнага цэнтра на базе сядзібы, які прыцягваў бы натоўпы турыстаў у Шчорсы, што спрыяла б эканамічнаму развіццю і культурнаму жыццю мястэчка.
У 2018 годзе фонд падпісаў пагадненне аб супрацоўніцтве з навагрудскім райвыканкамам. У 2020 годзе фонд разам з мясцовымі ўладамі Навагрудчыны, польскай гмінай Седльцэ, выйграў грант ЕС на рэканструкцыю будынка вяндлярні на тэрыторыі комплексу.
За час сваёй дзейнасці фонд разам з валанцёрамі арганізаваў некалькі акцый па ўборцы сядзібы: прыбралі смецце, тэрыторыю комплексу і парку, былі высечаны зараслі. Фонд таксама арганізаваў некалькі экспертыз парку і тэрыторыі комплексу.
19 лістапада суд Гродзенскай вобласці па патрабаванню ўпраўлення юстыцыі вынес прысуд аб ліквідацыі фонду. Такое рашэнне прыняў суддзя Сяргей Піпко. Кіраўніцтва фонду адмовілася ад скаргі ў Вярхоўны суд і плануе працягваць сваю дзейнасць як прыватныя асобы, а таксама захаваць усе старонкі звязаныя з комплексам Хрэптовічаў.
Як бачна, нават супрацоўніцтва з уладамі не з’яўляецца абаронай ад рэпрэсій.
