«У развіцці нашых двухбаковых адносін Польшча заўсёды кіравалася павагай да беларускай дзяржавы і народа».
27 снежня 1991 года, калі беларусы вырашылі будаваць уласную незалежную дзяржаву, польская ўлада без затрымак прызнала Беларусь і права беларускага народа самастойна і свабодна вырашаць свой лёс.
«30 гадоў таму народ Беларусі прыняў рашэнне аб пабудове ўласнай, незалежнай дзяржавы; дзякуючы свайму гістарычнаму вопыту Польшча асабліва шануе важнасць незалежнай дзяржавы і намаганні, неабходныя для яе развіцця», – напісаў міністр замежных спраў Польшчы Збігнеў Рау ў Твітары.
Польшча, у адмысловай заяве МЗС з нагоды 30-годззя прызнання незалежнасці Беларусі, выказала падтрымку памкненню беларусаў да незалежнай дэмакратычнай дзяржавы:
« (…) У развіцці нашых двухбаковых адносін Польшча заўсёды кіравалася павагай да беларускай дзяржавы і народа. Мы падтрымлівалі беларускі народ у працэсе пабудовы яго ўласнай, суверэннай, эканамічна прывабнай дзяржавы, незалежнай ад замежных уплываў (…)».
fot. polskieradio.pl
