Паводле інфармацыі памежнай службы Польшчы, 11 студзеня беларуска-польскую мяжу спрабавалі нелегальна перасекчы 68 чалавек.

 

Дзве групы нелегалаў у складзе 15 і 18 чалавек спрабавалі перасекчы мяжу на ўчастку, які ахоўваецца пагранзаставай у Мельніку. На іншых участках мяжы, побач з гарадкамі Дубічэ-Царкеўнэ і Ліпск, адбыліся правакацыі з боку беларускіх памежнікаў, у т.л. асляпленне лазерамі і пашкоджванне калючага дроту.

 


Польская памежная ахова таксама паведамляе, што ўчора былі затрыманыя 4 грамадзяніна Грузіі, г.зв. «памочнікаў», якія намагаліся дапамагчы імігрантам нелегальна перасекчы польскую мяжу. З пачатку гэтага года польскія памежнікі затрымалі 11 «памочнікаў», летась — 426 чалавек. У асноўным гэта грамадзяне Украіны і Грузіі.

Пасылаю
Рэйтынг чытачоў
0 (0 галасоў)