У 159-ю гадавіну выбуху Студзеньскага паўстання – найбуйнейшага нацыянальна-вызвольнага паўстання ХІХ стагоддзя актывісты Таварыства польскай культуры Лідскага краю запалілі знічы на магілах герояў, у т.л. ксяндза Адама Фалькоўскага, расстралянага за ўдзел у паўстанні.
Нагадаем, ужо ў 2013 годзе старшыня таварыства Аляксандр Калышка быў аштрафаваны на 2,5 мільёна рублёў, за спробу ўшанаваць памяць героя паўстання.
Таварыства польскай культуры Лідскага краю – польская грамадская арганізацыя, заснаваная ў лістападзе 1991 года ў Лідзе. Вельмі важнай сферай дзейнасці таварыства з’яўляецца польская адукацыя. Таварыства падтрымлівае дзейнасць польскага скаўтынгу (харцэрства). У снежні 1991 года ў Лідзе была створана першая скаўцкая дружына імя Вітальда Пілецкага. Таксама ў арганізацыі актыўна дзейнiчае польскі гурт «Kresowiacy».
