Старшыня Цэнтрвыбаркама і былы кіраўнік Камуністычнай партыі Беларусі Ігар Карпенка ў эфіры тэлеканала «Беларусь 1» назваў прычыны, па якіх беларусаў упершыню пазбавілі права голасу за мяжой.
«Каля траціны нашых дыппрадстаўніцтваў не працуюць, таму што колькасць чалавек, якія могуць прагаласаваць на гэтым участку, менш за 20», — сказаў Карпенка.
Па-другое, ён назваў немагчымасць паўнавартаснай арганізацыі працы выбарчых участкаў у некаторых краінах з-за аптымізацыі дыпламатычнага корпуса. Ён таксама згадаў «пытанні бяспекі, у тым ліку санітарна-эпідэміялагічнай бяспекі». Але пры гэтым ён адзначыў, што грамадзяне, якія прыбываюць у Беларусi, незалежна ад стану здароўя, змогуць прагаласаваць. Акрамя таго, улады павінны прыцягнуць санітарныя службы і членаў участковых камісій, якія будуць хадзіць да такіх выбаршчыкаў дамоў.
Карпенка таксама паведаміў, што на прэзідэнцкіх выбарах на замежных участках прагаласавала толькі 0,3% выбаршчыкаў.
