На польска-беларускай мяжы перад памежным пераходам Кукурыкі-Казловічы польскія і ўкраінскія актывісты ўжо два дні блакуюць грузавікі з беларускімі і расiйскімі нумарамі рэгістрацыі. Такім чынам удзельнікі акцыі заклікаюць ЕС закрыць пункты пропуску для расійскіх і беларускіх грузавікоў.
Акцыя пачалася 12 сакавіка, а 14 сакавіка чарга грузавікоў расцягнулася на 28 км. Актывiсты таксама заклікаюць да санкцый супраць Расiі і Беларусі ў галіне аўтамабільных перавозак і транзіту грузаў.
Дзень і ноч мітынгоўцы блакуюць рух расiйскіх і беларускіх грузавікоў.
Na granicy polsko-białoruskiej polscy aktywiści od dwóch dni blokują rosyjskie i białoruskie ciężarówki. Obecnie linia samochodów ciężarowych ma długość 28 km. pic.twitter.com/WjRMWJeyBK
— ᴍᴀyᴋᴇʟᴀᴍɪꜱᴢᴜɴɢ© (@O_Majkella) March 13, 2022
«Усё пад кантролем, фуры не едуць, усё стаіць, усё заблакавана. Мы тут на варце!» – заявіла адна з украінскіх актывістак Наталля Панчанка.
Паводле звестак Асацыяцыі міжнародных аўтамабільных перавозчыкаў, да расiйскага ўварвання ва Украіну, у Беларусь і Расію груз перавозілі 1800 польскіх транспартных кампаній.
