Сакратар Рады бяспекі Беларусі Аляксандар Вальфовіч прыгразіў суседнім дзяржавам вайной. Па словах беларускага генерала, Захад спрабуе развязаць вайну на тэрыторыі Беларусі.
— Незразумела, навошта яны рыхтуюць сваю інфраструктуру. Магчыма, каб развязаць і падрыхтавацца да агрэсіi, – абвінавачвае палякаў Аляксандр Вальфовіч. Сакратар Рады бяспекі Беларусі сцвярджае, што нібыта павялічылася колькасць палётаў вайсковых самалётаў над тэрыторыяй Польшчы. Гэта даказвае, на яго думку, што «Захад хоча развязаць вайну ў Беларусі».
Вальфовіч прыгразiў тым жа краінам Балтыі. — Я думаю, што простыя людзі — палякi і літоўцы — бачаць, што адбываецца ва Украіне. Што гэта за разбурэнні, якая трагедыя, як гінуць простыя людзі ва Украіне – дадае. Беларускі генерал таксама выказаў надзею, што палякі і літоўцы не захочуць эскалацыі канфлікту і што ваеннай агрэсіі з іх удзелам не будзе. — Ваенныя дзеянні будуць адбывацца не толькі ў Беларусі. Не, на іх тэрыторыі таксама будуць разбурэнні, гібель і выбухі, папярэдзіў Аляксандр Вулфовіч.
