Як паведамляе тэлеграм-канал «Хрысціянска вiзiя», учора пасля імшы ў касцёле ў Горках, быў затрыманы ксёндз Андрэй Кеўліч. Святару пагражае штраф або адміністрацыйны арышт.
Падставай для арышту і суда стаў рэпост допісу з профілю ў сацыяльных сетках, які лічыцца экстрэмісцкім.
Роўна месяц таму, 17 сакавіка, ксёндз Андрэй быў прызначаны дэканам Магілёўскага дэканату, які ўключае каталіцкія парафіі ва ўсходняй частцы Магілёўскай вобласці.
