Учора ў МЗС Польшчы быў выкліканы часовы павераны ў справах Беларусі, якому ўручылі рэзкі пратэст у сувязі з беспрэцэдэнтным дзікунствам рэжыму Лукашэнкі ў Мікулішках.
Міністэрства замежных спраў абурана інфармацыяй аб тым, што па загаду беларускіх уладаў былі знішчаныя могілкі польскіх жаўнераў у Мікулішках Гродзенскай вобласці. У 1944 годзе жаўнеры 3-й і 6-й брыгад Арміі Краёвай, складовай часткі Войска Польскага, удзельнікі аперацыі «Вострая Брама» змагаліся за вызваленне Вільні ад нямецкай акупацыі і заплацілі за гэта самую высокую цану. Асабліва шакуе, што такі беспрэцэдэнтны ўдар беларускі бок нанёс перад гадавінай аперацыі 7 ліпеня.
Гэтая надзвычай ганебная падзея з’яўляецца прыкладам невыкананьня цяперашнімі беларускімі ўладамі ўсіх сваіх абавязкаў адносна памятных месцаў на сваёй тэрыторыі. Гэта нагадвае самыя змрочныя старонкі гісторыі камунізму, і, зважаючы на ранейшыя паведамленьні пра спусташэньне польскіх ваенных пахаванняў, нельга ўспрымаць інакш, як мэтанакіраваную акцыю з мэтай далейшага пагаршэння ўзаемаадносінаў паміж Польшчай і Беларуссю.
Ліквідацыя польскіх магілаў і мемарыяльных месцаў – яшчэ адзін і найбольш яскравы прыклад дзеянняў мінскага рэжыму супраць палякаў у Беларусі. Мы рашуча асуджаем гэтую антыпольскую кампанію беларускіх уладаў, накіраваную на ліквідацыю любых слядоў польскасці ў Беларусі.
Знішчэнне ваенных магіл не зменіць гісторыю і не сатрэ памяць аб мінулым. Гэта яшчэ раз паказвае свету варварства цяперашняга рэжыму.
Лукаш Ясіна
Прэс-сакратар МЗС
