31 ліпеня, у мінулую нядзелю, у Навагрудку адбыліся ўрачыстасці ў сувязі з 79-й гадавінай мучаніцкай смерці 11 сясцёр назарэтанак. Польскія cёстры, мучаніцы Другой сусветнай вайны, былі расстраляны нямецкімі акупантамі 1 жніўня 1943 года.
З 1929 г. сёстры назарэтанкі ў Навагрудку навучалі дзяцей і падлеткаў рэлігіі. Гэтая дзейнасць была звязана з белай фарай і супольнасцю дома Хрыста Валадара ў Навагрудку. Дзякуючы дэмаграфіі гэтага горада, прысутнасці палякаў, беларусаў, яўрэяў і татараў, якія жылі разам, іх служэнне таксама мела экуменічны характар. Сёстры адкрылі школу-інтэрнат, а ў 1930 г. — пачатковую школу.
Пасля агрэсіі СССР супраць Польшчы 17 верасня 1939 г. Навагрудак быў заняты Чырвонай Арміяй, а затым уключаны ў склад СССР. Назарэтанкам забралі школу. Далейшыя рэпрэсіі з боку Саветаў вымусілі сясцёр пакінуць гаспадарчыя пабудовы і перайсці на працу ў горад.
Пасля нападу Германіі на СССР 6 ліпеня 1941 г. у горад увайшлі нямецкія войскі. Праз тры тыдні адбылася першая публічная экзекуцыя, падчас якой немцы расстралялі 60 жыхароў горада.
У ліпені 1943 г. сёстры заявілі ў гестапа, каб ахвяраваць жыццём за 120 чалавек, арыштаваных і прызначаных да расстрэлу. Смяротнае пакаранне для арыштаваных замянілі на выкананне ў Германіі (затрыманых дэпартавалі 24 ліпеня, некаторых адпусцілі). Усе дэпартаваныя перажылі вайну. Сясцёр выклікалі 31 ліпеня, а на наступны дзень без суда і прысуду расстралялі.
Яны былі беатыфікаваны папам Янам Паўлам ІІ 5 сакавіка 2000 г.
