З першага выдання ў 1822 г. «Балад і рамансаў» Адама Міцкевіча пачалася эпоха рамантызму ў Вільні. Гэтыя творы натхнілі чытачоў па-новаму зірнуць на свет і адкрылі для сябе магчымасці чалавечага ўяўлення. Яны вучылі, як спазнаваць свае эмоцыі і як свабодна выказваць сябе. Гэта былі каштоўнасці, якія закранаў і адраджаў у сваёй паэзіі Міцкевіч. Таму творчасць паэта можна лічыць пачаткам рамантызму ў Літве, а калыскай гэтага накірунку з’яўляецца сама Вільня.
У 2022 годзе, святкуючы 200-годдзе стварэння рамантызму і выдання «Балад і рамансаў», Музей Віленскага ўніверсітэта запрашае ўсіх, хто цікавіцца постаццю Міцкевіча, яго паэзіяй і гісторыяй Віленскага ўніверсітэта, на тэатралізаваную экскурсію «Amantes – amentes: Адам Міцкевіч і рамантызм» — гэта вандроўка, падчас якой вы зможаце ўвасобіцца ў ролі герояў балад і рамансаў, даведацца, чым цікавіўся паэт, як сустракалі рамантызм у Вільні і што такога таямнічага ёсць ў гэтым мастацкім, філасофскім і літаратурным руху.
Экскурсія адбудзецца на літоўскай і польскай мовах. Колькасць месцаў абмежаваная. Рэгістрацыя абавязковая.
Арганізатар: Музей Віленскага ўніверсітэта; партнёр: Інстытут Польскі
Крыніца: instytutpolski.pl
