У 79-ю гадавіну бітвы пад Леніна дэлегацыя польскай амбасады ў Мінску ўсклала кветкі да помніка загінуўшым байцам польскай дывiзii iмя Тадэвуша Касцюшкi ў Леніна (Магілёўская вобласць). Роўна 79 гадоў таму ў ваколіцах гэтай вёскі былыя вязні савецкіх лагераў правялі крывавы бой з немцамі.
Бітва пад Леніна, якая адбылася ў кастрычніку 1943 г., павінна была стаць адным з элементаў першага этапу савецкага стратэгічнага наступлення ў Беларусі, які павінен быў стварыць спрыяльныя ўмовы для ўступлення Чырвонай Арміі на тэрыторыю Польшчы і далейшага наступу на захад, у бок Берліна. Паколькі згаданае наступленне акрамя ваеннага мела важнае палітычнае значэнне, у Маскве палічылі мэтазгодным удзел у ёй дывізіі Касцюшкi. Фармаванне пад кіраўніцтвам генерала Зыгмунта Берлінга было марыянеткай у руках Сталіна, які з дапамогай гэтага фармавання меў намер атрымаць падтрымку польскага грамадзтва і міжнароднае прызнанне для будучага ўраду на Вісле, цалкам залежнага ад Масквы, які складаўся з камуністаў.
Удзел 1-й стралковай дывізіі ў бітве пад Леніна завяршыўся вялікім паражэннем і стратамі больш за 3 тыс. чалавек. Аднак гэта не перашкодзіла камуністам стварыць легенду аб гэтай бітве, ператварыўшы ваенную катастрофу ў асноватворны міф г.зв. Народнага Войска Польскага і польска-савецкага братэрства ў Другой сусветнай вайне.
W 79. rocznicę bitwy pod Lenino delegacja @PLinBelarus oddała cześć poległym żołnierzom I Dywizji Piechoty im. Tadeusza Kościuszki. pic.twitter.com/M5uDtCvm5s
— PLinBelarus (@PLinBelarus) October 12, 2022
Крыніца: wb24.org/IPN
