У чацвер, 13 кастрычніка, у Варшаве адбылася сустрэча з Русланам Кулевічам, самым хуткім журналістам Гродна, аўтарам кніг «Горад адзін, успаміны розныя» і «Гісторыі з гродзенскіх вуліц». Падчас сустрэчы таксама адбыўся прагляд фільма «Апошнія сведкі старога Гродна» — пра жыццё даваеннага Гродна і савецкую агрэсію супраць Польшчы 17 верасня 1939 года.

Падчас сустрэчы аўтар падзяліўся ўспамінамі жыхароў старога Гродна і шматлікімі фотаздымкамі з хатніх архіваў, дзе можна было пабачыць гарадскія краявіды, прыклады старадаўняй моды, сцэны з паўсядзённага жыцця гродзенцаў міжваеннага часу.

Сустрэча адбылася ў межах З’езду фундацыі «Młode Kresy», прысвечанага сiтуацыі палякаў на Ўсходзе. Удзельнікі сустрэчы таксама абмеркавалі актуальнае становішча польскай меншасці ў Беларусі ў святле ўзмацнення рэпрэсій з боку беларускіх уладаў.

Мерапрыемства арганізавала фундацыя «Młode Kresy». Партнёрам выступіў Фонд Інстытут Рэспублiкi iм. Паўла Владковіца. Медыйнымі партнёрамі выступілі інфармацыйныя парталы Wirtualna Belarus 24 і MOST Media.

 

Пасылаю
Рэйтынг чытачоў
0 (0 галасоў)