З дня арышту польскага актывіста і журналіста Анджэя Пачобута прайшло больш за паўтара года. Працэс пачнецца ў раённым судзе Гродна 28 лістапада. Яму пагражае доўгатэрміновае зняволенне.
Як паведамляе тэлеканал «Белсат» на сваім сайце, судовы працэс адбудзецца ў раённым судзе Гродна, а весці справу будзе Дзмітрый Бубенчык.
Польскі журналіст з Гродна, сябра галоўнай управы Саюза палякаў Беларусі Анджэй Пачобут быў арыштаваны 25 сакавіка 2021 года. Яму інкрымінавалі артыкул 130 Крымінальнага кодэкса — «свядомыя дзеянні, учыненыя групай асоб, накіраваныя на распальванне нацыянальнай, рэлігійнай, моўнай варожасці і свядомую рэабілітацыю нацызму». За такое дзеянне пагражае да 12 гадоў пазбаўлення волі.
У жніўні гэтага года ліквідаваная ўладамі ў Мінску Беларуская асацыяцыя журналістаў абвясціла, што Пачобуту прад’яўлена дадатковае абвінавачванне ў «закліках да дзеянняў на шкоду бяспецы Беларусі», што караецца пазбаўленнем волі ад трох да дзесяці гадоў. Каментатары звярнулі ўвагу, што крымінальная адказнасць за такія дзеянні была ўведзеная ўвосень 2021 года, калі польскі журналіст ужо знаходзіўся пад вартай, таму ён нясе адказнасць за дзеянні, якія на момант здзяйснення не былі злачынствам.
Крынiца: belsat.eu
