З Кракава, Варшавы ці Беластока можна будзе даехаць цягніком да Вільні. Праўда, гэта будзе не прамое злучэнне, а з перасадкай.
Інфармацыю пра адкрыццё цягніка ў Літву пацвярджае прэс-сакратар Міністэрства інфраструктуры Шымон Гуптыш. Ён кажа, што цягнік «Ганьча» будзе ехаць да нашых суседзяў з Кракава праз Варшаву, Беласток і Сувалкі.
Польскі цягнік даедзе да памежнага мястэчка Мацькова. Там ён будзе злучаны з літоўскім цягніком LTG Link да Вільні праз Коўна. Па дарозе цягнік таксама будзе спыняцца ў Марыямпалі.
Мяркуецца, што дарога з Беластока ў літоўскую сталіцу зойме менш за шэсць гадзін. Цягнік «Ганьча» будзе хадзіць штодня.
Гэта будзе яшчэ адно злучэнне з Польшчы ў Літву. Ужо некалькі гадоў з Беластока ў Коўна ходзяць цягнікі Polregio.
Новы расклад пачне дзейнічаць з 11 снежня.
Крыніца: radio.bialystok.pl