У панядзелак, перад ад’ездам польскай зборнай, прэм’ер-міністр Матэвуш Маравецкі паабяцаў гульцам і трэнерам вялікую прэмію за поспех на сёлетнім чэмпіянаце свету. Таксама прэм’ер і прадстаўнікі Польскага футбольнага саюзу абмеркавалi стварэнне спецыяльнага фонду для падтрымкi футбола.
Прэс-сакратар урада Польшчы Пётр Мюлер паведаміў, што ўрад краіны плануе стварыць фонд падтрымкі польскага футбола. Паводле слоў кіраўніка прэс-службы Кабінету міністраў, сродкі з гэтага фонду будуць выкарыстаныя, у прыватнасці, для падрыхтоўкі маладых футбалістаў, будаўніцтва футбольнай інфраструктуры і развіцця новых тэхналогій у гэтым відзе спорту.
Пётр Мюлер паведаміў, што згаданае пытанне абмяркоўвалі прэм’ер-міністр Матэвуш Маравецкі і прадстаўнікі Польскага футбольнага саюзу.
Крынiца: polskieradio.pl
