У сераду, 7 снежня, у Віленскай ратушы адбудзецца адкрыццё выставы «Слава Рэчы Паспалiтай — ваяводскі шляхецкі мундзір». Выстава пакажа прыгажосць мастацкага майстэрства, якое стварала бляск Рэчы Паспалітай. Нацыянальны строй шляхты як Кароны, так і Літвы ўвядзе гледачоў у свет магутнай дзяржавы, ашаламляльнай сваім багаццем, якая, стоячы на скрыжаванні столькіх культур і цывілізацый, канцэнтравала і творча апрацоўвала іх вялікія мастацтва, спадчыну і традыцыі.
Экспазіцыя аб’яднае сцэнаграфічную частку, паводле «паланэзных» канонаў з копій шляхецкіх касцюмаў, дзе мужчынскія фігуры будуць апрануты ў копіі ваяводскіх мундзіраў, а жаночыя – у прыгожыя сукенкі. Акрамя копій шляхецкіх касцюмаў, тут будуць прадстаўлены арыгінальныя і ўнікальныя гістарычныя прадметы з прыватнай калекцыі. Экспазіцыю дапоўняць выстава контушавых паясоў і бучацкіх габеленаў, канцэрт і мультымедыйная прэзентацыя. Акрамя таго, багатая экспазiцыя запросіць атрымальніка ў захапляльны свет Рэчы Паспалітай.
Гэтая выстава павінна прадставіць унікальныя ў свеце сувязі паміж Вялікім Княствам Літоўскім і Каронай Польскай; сувязі, заснаваныя на найглыбейшых агульных каштоўнасцях, падабенствах і адрозненнях, якія вызначаюць унікальнасць і сілу магутнай дзяржавы, якой была Рэч Паспалітая.
Падчас вернісажу адбудзецца канцэрт у выкананні Ман Лі Шчэпаньскай-Маткоўскай (фартэпіяна) і яе дачкі Міранды (скрыпка). У iх выкананнi прагучаць у тым ліку творы Фрыдэрыка Шапэна і Міхала Клеафаса Агінскага.
