У суботу 10 снежня ў касцёле св. Аляксандра ў Варшаве адбылася падзячная св.імша з просьбай аб Божым благаслаўленні для прыгнечанай Беларусі. Літургію ўзначаліў арцыбіскуп Мітрапаліт Варшаўскі кардынал Казімір Ныч.
З ініцыятывай «Малітвы ўдзячнасці для палякаў і Касцёла у Польшчы» выступілі беларусы-каталікі, якія жывуць у Польшчы, разам з кс. Вячаславам Барком, душпастырам беларускай каталіцкай супольнасці ў Варшаве.
Святая Імша адбылася 10 снежня ў касцёле св. Аляксандра на плошчы Трох Крыжоў, дзе ўжо больш за год дзейнічае беларускае душпастырства. У літургіі, якую ўзначаліў кард. Казімір Ныч, мітрапаліт Варшаўскi, прынялі ўдзел святары, якія служаць беларусам-каталікам у Польшчы, сярод іх былі і польскія святары, якія працавалі ў Беларусі, у т.л. кс. Адам Врубель, місіянер Святой Сям’і, які некалькі гадоў служыў у гэтай краіне. — Я малюся за ўсю прыгнечаную Беларусь, — сказаў кардынал, пачынаючы Эўхарыстыю.
У гаміліі кардынал падкрэсліў разнастайныя сувязі паміж палякамі і беларусамі. – Нас звязвае не толькі адзін Касцёл, Езус, які з’яўляецца нашым Панам і Збаўцам, але і агульная гісторыя, культура і славянская ідэнтычнасць, – сказаў ён.
Ён таксама зазначыў, што палякі выдатна разумеюць імкненне беларусаў да свабоды, бо да нядаўняга часу мы самі мусілі змагацца за сваю незалежнасць, мы таксама перажылі палітычную эміграцыю.
Ён таксама запэўніў, што палякі падтрымліваюць Беларусь у яе барацьбе за незалежнасць. — У чалавеку ёсць жаданне мець магчымасць вырашаць пра сябе ў сваім доме. Рабі так, як падказвае сумленне. Мы толькі 30 гадоў ведаем, што гэта магчыма. Мы можам зрабіць гэта, не залежачы ад таго, хто спрабуе кіраваць намі звонку. Часам гэта не так проста, але можна сказаць, што «мы на ўласцівым месцы», — падкрэсліў ён. – І гэтага мы жадаем вам як краіне і Касцёлу ў Беларусі, – дадаў ён.
Напрыканцы ён выказаў спадзяванне, што сёлетняе Раство прынясе мір паміж людзьмі, якога так не хапае ва Украіне, Беларусі і нашай краіне. «Езус стаў чалавекам, каб мы, прымірыўшыся з Богам, сталі братамі адзін аднаму, а гэтага братэрства сёння вельмі не хапае», — заключыў ён. Напрыканцы святой Імшы кард. Ныч пажадаў, каб беларусы адчувалi сябе ў Польшчы як дома, нават калі гэта толькi часовы дом.
Крынiца: gosc.pl
Fot. pixabay
