Улады горада Іўе хочуць забараніць выкарыстанне польскай мовы ў касцёлах. Чыноўнікі спасылаюцца на моўны закон, у якім, аднак, няма згадак пра мову ў рэлігійнай сферы.
Як паведамляе мясцовая раённая газета, падчас сустрэчы кіраўніцтва Іўеўскага раёна са святарамі па «нацыянальна-канфесійнай сферы» акцэнт быў зроблены на моўным пытанні. Іўеўскія лукашысты былі абураныя тым, што набажэнствы ў каталіцкіх парафіях адпраўляюцца па-польску.
“Праблемным застаецца выкарыстанне польскай мовы падчас службаў у каталіцкіх храмах раёна, што недапушчальна згодна з Законам Рэспублікі Беларусь “Аб мовах у Рэспубліцы Беларусь”, – адзначыла загадчыца сектара ідэалагічнай работы і па справах моладзі Вольга Барко.
Каталіцкі Касцёл у Беларусі зрабіў вялікі ўклад у адбудову польскай ідэнтычнасці і стварэнне новых польскіх арганізацый.
Як пісаў Пётр Эберхардт: «Для мясцовага польскага насельніцтва прыналежнасць да рымска-каталіцкага касцёла і звязанай з ім лацінскай культуры з’яўляецца фундаментальнай маральнай каштоўнасцю, якая яднае іх з польскасцю».
Касцёл у Беларусі ўжывае як мінімум дзве мовы: польскую і беларускую. На працягу многіх гадоў незалежнай Беларусі польская мова была ў значнай ступені мовай літургіі ў Рыма-Каталіцкім Касцёле не толькі таму, што большасць католікаў былі палякамі, але і таму, што большасць каталіцкіх святароў паходзілі з Польшчы.
