Неўзабаве да турыстычных славутасцей Брэстчыны далучыцца яшчэ адзін адноўлены сакральны будынак — капліца св. Казіміра ў Ружанах у раёне пружанскiм. Пра гэта паведамляе незалежны партал «Наша Ніва».
Капліца была пабудавана па iнiцыятыве Аляксандра Сапегi, уладальніка маёнтка ў Ружанах. Яго спраектаваў саксонскі архітэктар Ян Самуэль Бекер, які спраектаваў знакаміты палац у Ружанах і касцёл св. Троiцы. Першапачаткова капліца павінна была быць часткай базыльянскага манастыра.
Мураваная святыня, накрытая двухсхільным дахам, была ўзведзена ў стылі класіцызму. Дамінантай галоўнага фасада быў чатырохкалонны дарычны порцік. Да гэтага часу капліца была ў руінах.
Kапліца св. Казіміра ў часы ІІ Рэчы Паспалітай (fot. Narodowe Archiwum Cyfrowe. Sygn. 1-U-5496)
— І хоць помнік гісторыі і культуры адносна добра захаваўся для пабудовы яго ўзросту, асабліва хутка стаў разбурацца ў канцы мінулага — пачатку гэтага стагоддзя. Што і не дзіва: пабудова ніяк не выкарыстоўвалася, не значылася на балансе, —кажа старшыня Ружанскага сельсавета Аксана Юркоўская. — У абарону помніка выказваліся прадстаўнікі грамадскасці, спецыялісты. Было некалькі спроб сабраць сродкі на рэстаўрацыю, і вось нарэшце фундатары знайшліся. З 2019 года мы займаліся гэтым пытаннем, зрабілі ўсе дакументы. А пазалетась рашэннем сесіі сельвыканкама капліцу перадалі на баланс рэлігійнай абшчыны прыхода Святой Тройцы, якая цяпер і выступае заказчыкам будаўнічых і рэстаўрацыйных работ».
Капліца св. Казiмiра (fot. vk.com/Katsyaryna Sidarenka)
Капліца падчас рэстаўрацыі (фота nashaniva.com)
Спецыялісты філіяла «Брэстрэстаўрацыя» ААТ «Белрэстаўрацыя» працуюць на аб’екце з сакавіка мінулага года.
Архітэктары адзначаюць добрую захаванасць асобных частак пабудовы. Напрыклад, алтар фактычна аказаўся непашкоджаны, засталіся элементы дэкору і карнізы. На франтоне будынка цалкам аднавілі крыж.
Сцвярджаецца, што рэстаўратары пастараліся захаваць як мага больш аўтэнтычных элементаў, і арыгінальныя бэлькі ўдалося часткова захаваць. Цяпер пачынаюць унутраную і знешнюю аддзелку сцен.
Навуковы кіраўнік і галоўны архітэктар праекта філіяла «Брэстрэстаўрацыя» Святлана Корсунава гаворыць, што капліца стала адным з найцікавейшых аб’ектаў апошніх гадоў: «Усё-такі будынак у параўнанні з тым жа Ружанскім палацам пацярпеў менш, хоць і быў у аварыйным стане. Цагляную падлогу мы фактычна аднаўляем з сучасных матэрыялаў, захаваўшы толькі яе ідэю. А вось тынкоўка месцамі добра захавалася.
Яе аднаўляем на падставе фізіка-хімічных даследаванняў фарбы, якія праводзяць спецыялісты нашай лабараторыі і лабараторыі Брэсцкага тэхнічнага ўніверсітэта».
Завяршыць усе работы плануецца гэтым летам.
Крынiца: nashaniva.com/wikipedia.org
Fot. nashaniva.com
