Учора ў Коўне з нагоды Ночы музеяў адкрылася выстава, прысвечаная героям польскіх ВПС. Выстаўка пад назвай «Летчыкі» была падрыхтавана Музеем Другой Сусветнай вайны да 80-годдзя пачатку выбуху вайны ў 2019 годзе.
Выставу арганізаваў Літоўскі музей авіяцыі ў Коўне ў супрацоўніцтве з Польскім інстытутам у Вільні. Дырэктар гэтай установы Дарота Мамай распавядае Польскаму радыё, што яна складаецца з унікальных фотаздымкаў лётчыкаў, якія належаць да калекцыі Музея Другой сусветнай вайны, і тэкстаў, якія знаёмяць наведвальнікаў з тэмай выставы.
— Гэта выстава, прысвечаная людзям, якія сваімі дзеяннямі, мужнасцю і гераізмам паўплывалі на лёс Другой сусветнай вайны, — тлумачыць Мамай. Партрэты зрабіў мастак-фатограф Міхал Салярскі. – Мэтай было ахапіць як мага больш польскіх жаўнераў, якія служылі ў польскіх ВПС у Вялікабрытаніі падчас Другой сусветнай вайны – дадае дырэктар Інстытута.
Дарота Мамай лічыць, што гэтая выстава будзе цікавая літоўцам, бо польскія лётчыкі ўнеслі свой значны уклад у перамогу над фашызмам. Арганізатары выставы «Лётчыкі» таксама адзначаюць, што гэта таксама падстава для роздуму над нашай сённяшняй памяццю аб гэтых людзях і справах, якія яны здзейснілі.
Выстава будзе працаваць да 14 кастрычніка.
