Літаральна праз некалькі дзён у Дубічах Царкоўных у рамках фестывалю беларускай традыцыі SONCAHRAJ у другі раз адбудзецца святкаванне Купалля. Свята стане яшчэ адной магчымасцю сустрэцца са спеўнай і музычнай традыцыяй беларусаў, а таксама пазнаёміцца з рознымі элементамі творчай і кулінарнай спадчыны продкаў.
Выступяць:
Спеўны гурт з Дабраводы
Дабраводскі спеўны гурток бярэ пачатак з 1968 года. Песні, якія ён выконвае, унікальныя як па мелодыі, так і па зместу.
Крэсоўкі
Дзяўчаты з Падляшша. Вакальнае трыа, лаўрэаты XXVIII Фестывалю беларускай песні.
Hajda Banda / Гайда Банда (Бельск Падляскі/Варшава)
Польска-беларускі калектыў, які выконвае традыцыйны танцавальны і вакальны рэпертуар Падляшша, Заходняй Беларусі і Палесся. Старадаўнія полькі, абярэкі, куявякі і вальсы выкананы з маладой энергіяй і мастацкай вытанчанасцю, узятымі з запісаў і сустрэч са старымі майстрамі вясковай музыкі.
Акрамя танцаў і спеваў, будзе традыцыйнае “купальскае” шэсце і спевы ля вогнішча!
А на «Кірмашы творцаў» можна будзе набыць файныя вырабы народных промыслаў і пачаставацца традыцыйным «купальскім» напоем — крупнікам.
Крыніца: tutaka.org
