Стваральнікі месэнджэра WhatsApp працуюць над новай функцыяй у дадатку – карыстальнікі змогуць дадаваць некалькі акаўнтаў на адным прыладзе.
Новаўвядзенне заўважыла WABetaInfo. Як паведамляе партал, уліковыя запісы будуць працаваць незалежна адзін ад аднаго, а перамыкацца паміж імі можна праз кнопку ў правым ніжнім куце.
Адзначаецца, што гэтая функцыя з’яўляецца пашырэннем раней анансаванай магчымасці WhatsApp выкарыстоўваць адзін уліковы запіс на пяці мабільных гаджэтах адначасова. Да гэтага карыстальнікі маглі ўвайсці ў сістэму толькі з аднаго мабільнага тэлефона разам з планшэтам і камп’ютарам.
Пакуль фішку дадалі толькі ў бэта-версію WhatsApp Business, але ў адным з найблізкіх апдэйтаў яна з’явіцца і ў звычайнай версіі месэнджэра.
Fot. WABetaInfo
Апроч падтрымкі некалькіх акаўнтаў на адным смартфоне, WhatsApp працуе над іншымі цікавымі фішкамі. Адна з іх – магчымасць адпраўкі фатаграфій без страты якасці. Таксама паведамляецца пра больш стабільную працу мабільнага кліента ў новай версіі і перапрацаванай клавіятуры.
Дакладнай даты, калі новыя функцыі дададуць у WhatsApp няма, але як правіла гэта адбываецца на працягу некалькіх тыдняў пасля тэсціравання, так што напэўна чакаць засталося нядоўга.
Крыніца: wabetainfo/unian
Fot. Pixabay
