Пастар з царквы хрысціян веры евангельскай «Новае жыццё» назваў знос уладамі храма на вул. Кавалёва, 72 у Мінску, дзе праходзілі набажэнствы, «скандальным беззаконнем».
“Нейкі час таму яго ў нас адабралі, потым разарылі, а цяпер ён разбураны, ён разбураецца проста цяпер, на нашых вачах. Вы бачыце. Там трактар ездзіць. Усё, што было нашым храмам, цяпер разваліны”, — перадае словы пастара незалежнае выданне «Позірк».
Пастар звярнуўся да «ўсіх тых людзей, якія былі часткай усёй гэтай акцыі, прымалі рашэнне і сёння яе руйнуюць і разбураюць»: “Гора вам. І пабойцеся Бога. Таму што Яго суд узгарыцца неўзабаве. Ніхто не застанецца не пакараным, хто дакрануўся да святога”.
Усім, хто падтрымлівае царкву, Ганчарэнка пажадаў цярпення, веры, кахання.
“Будзем працягваць свой шлях, будзем ісці далей, будзем верыць, працягваць імкнуцца да таго, што Бог вызначыў для нас. І я веру, што адчыняцца новыя дзверы”, — заявіў ён.
Лукашэнкаўскія ўлады пачалі знос пратэстанцкага храма ў аўторак . На яго месцы плануецца пабудаваць школу.
Крыніца: pozirk
Fot. Wikimedia Commons
