«Беларускі Чырвоны Крыж браў, бярэ і будзе браць актыўны ўдзел у вывазе ўкраінскіх дзяцей», — заявіў кіраўнік арганізацыі Дзмітрый Шаўцоў у інтэрв’ю прапагандысцкаму тэлебачанню.
Шаўцоў сказаў, што яго “да глыбіні душы абурыў той факт, што людзі думаюць ці лічаць, што так лагічна паступаць, калі абвінавацілі Рэспубліку Беларусь у тым, што мы выкрадаем дзяцей, якія прыязджаюць да нас на аздараўленне”.
На гэты раз Шаўцоў выcтупiў на прапагандысцкім тэлебачанні ў майцы і кепцы з лагатыпам Чырвонага Крыжа. Аднак падчас нядаўняй паездкі ў акупаваны Марыупаль ён быў апрануты ў вопратку з сімволікай расiйскіх фашыстаў — літарай Z.
Пра візіт Шаўцова на акупаваныя тэрыторыі Украіны ў Міжнародным камітэце Чырвонага Крыжа і Чырвонага Паўмесяца нічога не ведалі. Але там нагадалі, што «вельмі важна, каб усе элементы руху Чырвонага Крыжа захоўвалі сваю незалежнасць ад улады.
‼️ Dyrektora generalnego białoruskiego Czerwonego Krzyża nagrano w Mariupolu… z symbolem Z na ramieniu.
Na pierwszy rzut oka wizyta wyglądała jak zwyczajna pomoc humanitarna. Uwagę mediów przykuł jednak strój, w którym Dzmitryj Szaucou udzielił wywiadu propagandowemu… pic.twitter.com/js9jqv8WeF
— Biełsat (@Bielsat_pl) July 13, 2023
Таксама варта адзначыць, што беларускія дэмакратычныя сілы збіраюць доказы для Міжнароднага крымінальнага суда (МУС), якія даказваюць датычнасць прадстаўнікоў рэжыма Аляксандра Лукашэнкі да незаконных дэпартацый украінскіх дзяцей.
Крыніца: euroradio.fm
