Чым заняцца на выходных у Варшаве? Вось нашыя прапановы

Паглядзіце, чым заняцца ў гэтыя выхадныя ў Варшаве. Вось 5 мерапрыемстваў, якія дазволяць цікава правесці час у сталіцы.

Кінасталіца лета ў 18-ы РАЗ!

Арганізатары фестывалю падрыхтавалі кінапаказы ў 22 розных месцах сталіцы. Варта праверыць, дзе вам бліжэй за ўсё.

У праграме ёсць як кінахіты апошніх гадоў, так і амбіцыйныя фільмы для аматараў кіно. Кожны знойдзе нешта для сябе.

Паказы праходзяць з 29 чэрвеня па 6 верасня амаль кожны дзень.

Фестываль WarszeMuzik

Ужо сёмы раз у варшаўскім раёне Воля і ля помніка Умшлагплац цягам жніўня ў суботу і нядзелю пасля абеду можна будзе паслухаць музыку патрона фестывалю – Мечыслава Вайнберга – і іншых выдатных польскіх і сусветных кампазітараў.

У праграме фестывалю таксама гістарычныя прагулкі і велападарожжа. Сёлетні фэст працягнецца да 27 жніўня.

«Паштоўка з паўстання» на фабрыцы Норбліна

У суботу і нядзелю а 15-й гадзіне прапануем схадзіць на бясплатны прагляд фільма “Паштоўка з паўстання”. Гэта першае белетрызаванае гістарычнае відовішча, зробленае ў тэхналогіі віртуальнай рэальнасці (VR) у Польшчы, адзначанае шматлікімі ўзнагародамі ў краіне і ва ўсім свеце. Магчымасць паглядзець фільм будзе да пачатку кастрычніка – цягам 63 дзён Паўстання.

Канцэрты Шапэна ў Каралеўскіх Лазенках

Як штогод ля помніка Шапэну выступяць выдатныя польскія і замежныя піяністы.
Канцэрты Шапэна будуць праходзіць кожную нядзелю ў 12.00 і 16.00 да канца верасня.

Варшаўскія канцэрты пад адкрытым небам надоўга застаюцца ў памяці слухачоў, якія ахвотна вяртаюцца ў Каралеўскія Лазенкі на нядзельныя канцэрты.

Уваход на ўсе канцэрты бясплатны.

Мультымедыйнае шоу фантанаў у парку Шыманскага

У парку ім. Э. Шыманскага з пятніцы па нядзелю ў 20:30 да канца верасня ля фантанаў можна будзе паглядзець мультымедыйнае шоу. Уваход, вядома, вольны!

На падст. waw4free.pl

Фота: прэс-рэлізы/wikimedia commons