У вас няма ідэй на гэтыя выхадныя? Мы падрыхтавалі для вас 5 цікавых прапаноў, як правесці вольны час у польскай сталіцы.
XII Бемоўскі фестываль стрытфуда
Аматарам вулічнай ежы варта адправіцца ў парк Górczewska, дзе ў выхадныя з’язджаюцца кухні з усяго свету. Таксама адбудзецца фестываль фарбаў, будзе зона адпачынку і мноства атракцыёнаў для дзяцей.
Фестываль пачнецца ў 12.00 і працягнецца да 20.00.
Свята Віслы 2023
Свята Віслы — гэта перадусім свята ўсіх аматараў прыгодаў на Вісле. Сёлета варшавяне і госці сталіцы сустрэнуцца ў 15-ты раз, каб разам адзначыць канец лета на Вісле!
Традыцыйна, акрамя круізаў і майстар-класаў, будуць музыка і танцы. Як і адкрыццё летняга сезону, свята Віслы таксама пачнецца з унікальнага круізу на ўсходзе сонца і завершыцца парадам караблёў па Вісле і чароўным канцэртам на заходзе сонца.
Уваход на мерапрыемства вольны!
Бывай лета ў Белянах 2023
Раён Беляны запрашае ўсіх на музычнае развітанне з летам, якое адбудзецца ў гэтую суботу ў 18.00 у зоне адпачынку каля станцыі метро Słodowiec!
Упрыгожаць вечар гурт Ørganek, заснаваны па ініцыятыве яго франтмэна Томаша Арганэка, і гурт Felivers, які перамог у конкурсе дэбютантаў падчас 60-га Нацыянальнага фестывалю польскай песні ў Аполе! Перад імі на сцэне выступяць маладыя пераможцы конкурсу JoséSong з песнямі са свайго апошняга альбома «Bielany akustycznie».
Бясплатнае наведванне Музея Войска Польскага
Музей, які яшчэ нядаўна размяшчаўся на Еразалімскіх алеях, цяпер дазваляе палюбавацца яго экспазіцыямі ў сучасным будынку – на тэрыторыі гістарычнай Варшаўскай цытадэлі. Новая пляцоўка была афіцыйна адкрыта для наведвальнікаў 13 жніўня.
Вольны ўваход дзейнічае да нядзелі 3 верасня.
Мультымедыйнае шоу фантанаў у парку Шыманскага
У парку ім. Э. Шыманскага з пятніцы па нядзелю ў 20:30 да канца верасня ля фантанаў можна будзе паглядзець мультымедыйнае шоу. Уваход, вядома, вольны!
На падст. waw4free.pl
Фота: прэс-рэлізы/wikimedia commons
