Польскі Інстытут Нацыянальнай Памяці запрашае школьную моладзь і навуковых кіраўнікоў – настаўнікаў прыняць удзел у агульнанацыянальным адукацыйным праекце “Крэсы – польскія ўсходнія землі ў XX стагоддзі”.
Мэтай конкурсу з’яўляецца папулярызацыя ведаў аб гісторыі польскіх Усходніх Крэсаў Другой Рэчы Паспалітай сярод моладзі. Адным з найбольш важных аспектаў праекта з’яўляецца ўсведамленне ўдзельнікам лёсу палякаў, якія жывуць за нашай усходняй мяжой, фарміраванне разумення, што яны да гэтага часу з’яўляюцца часткай нашай Айчыны.
Удзельнікам праекта прапануецца ўдзел у навукова-адукацыйных сесіях і майстар-класах, падчас якіх будуць праходзіць лекцыі ці паказы фільмаў.
Найважнейшай часткай праекта з’яўляецца конкурс. Задачай удзельнікаў будзе падрыхтоўка пісьмовай ці мультымедыйнай работы на выбраную імі тэму – на аснове даступнай літаратуры, сабраных дакументаў, успамінаў і іканаграфічнага матэрыялу. Для пераможцаў цэнтральнага этапа прадугледжана ўзнагарода ў выглядзе адукацыйнай паездкі на Крэсы.
Заяўкі на ўдзел у праекце будуць прымацца да 30 лістапада 2023 года.
Крыніца: IPN
