З 12 па 19 лістапада ў Вільні будзе праходзіць традыцыйны адпуст у гонар Марыі, Маці Міласэрнасці. Падчас гэтых урачыстасцей будзе асабліва ўспамінацца візіт святога Папы рымскага Яна Паўла II у Літву, які адбыўся 30 гадоў таму. Тады Папа выдзеліў Вострую Браму як асаблівае месца сустрэчы з Маці Хрыста і Маці касцёла, а таксама як месца адзінства вернікаў з усёй Літвы.
Падчас адпусту будзе разважанне над тэкстам песні Магніфікат (Лк 1, 47-55), у якой Марыя славіць Бога за аказаную Ёй любоў і ўзвышэнне, якое зрабіла Яе Маці Збавіцеля, а такім чынам, і Маці ўсіх, хто належыць да Яго. Марыя прыводзіцца ў прыклад, як мы павінны славіць Госпада і дзякаваць Яму. Мы просім Марыю аб пасярэдніцтве ў нашых справах.
Службы ў Вастрабрамскай каплiцы ў нядзелю будуць праводзіцца ў 11:00 і 13:00 каля адкрытага акна.
Вастрабрамскі Паломніцкі Цэнтр адкрыты кожны дзень з 10:00 да 19:00.
Трансляцыю службаў можна будзе паглядзець на вэб-сайце ausrosvartai.lt.
Крыніца: wb24.org/ausrosvartai.lt
Фота: wikipedia.org
