Гродзенскi абласны суд пастанавіў ліквідаваць літоўскую грамадскую арганізацыю «Клуб Гервячай». Судовае пасяджэнне прызначанае на 23 лістапада. Гэтая арганізацыя, якая дзейнічае амаль трыццаць гадоў, займаецца наладжваннем супрацоўніцтва паміж Літвой і Беларуссю. Цікава, што яна таксама падтрымлівала палітыку беларускіх уладаў.
Арганізацыя зарэгістраваная ў 1994 годзе ў вёсцы Рымдзюны Астравецкага раёна. Гэта адна з літоўскіх арганізацый – раней іх было шэсць. Раней арганізацыя ладзiла мерапрыемствы разам з Астравецкім райвыканкамам і пасольствам Літвы ў Беларусі, дапамагала выдаваць кнігі. Старшыня абшчыны – Аўгуліс Альфонсас Стасіа.
У арганізацыі было 394 чальцоў. Мэты арганізацыі – супрацоўніцтва і ўмацаванне даверу і ўзаемаразумення паміж народамі Беларусі і Літвы, захаванне гістарычнай памяці і культуры. Яны адзначылі, што арганізацыя “падтрымлівае курс, які праводзіцца кіраўніцтвам Рэспублікі Беларусь”.
Таксама ў Рымдзюнах была школа з літоўскай мовай навучання. Яе пабудавалі за кошт Літвы ў 1996 годзе. У 2022 годзе школу русіфікавалі – рашэнне прынята ў сувязі з папраўкамi ў Кодэксе аб адукацыі. Усяго, паводле апошніх звестак, у Астравецкім раёне пражывае каля 750 прадстаўнікоў літоўскай нацыянальнасці.
Нагадаем, раней улады ліквідавалі літоўскае грамадскае аб’яднанне «Gimtinė».
Крыніца: hrodna.life
Fot.o-tendencii.com
