Гран-пры 32-га Конкурсу дэкламатараў імя Адама Міцкевіча “Крэсы” заваявала Катажына Бэчка з Украіны. Конкурс, арганізаваны Падляскiм аддзяленнем таварыства „Wspólnota Polska”, спрыяе прасоўванню мовы і літаратуры сярод польскай моладзі за мяжой. У фінале ўдзельнічалі 21 дэкламатар з 9 краін.
Першую ўзнагароду атрымаў Томаш Сідаровіч з Літвы, другую – Даната Саваневічутэ, таксама з Літвы, а трэцюю – Ізабела Болек з Чэхіі. Адмысловую ўзнагароду за інтэрпрэтацыю твора Адама Міцкевіча атрымала Надзея Раманчук з Беларусі.
Журы таксама прысудзіла тры заахвочвальныя граматы. Іх атрымалі: Роберт Дука з Латвіі, Эліза Іедзянак з Румыніі і Марыя Магдалена Мірончык з Літвы.
Удзельнікі конкурсу дэкламавалі творы многіх вядомых польскіх аўтараў, у тым ліку Адама Міцкевіча, Юліюша Славацкага, Цыпрыяна Каміля Норвіда, Славаміра Мрожака, Віславы Шымборскай, Канстанціна Ільдэфонса Галчынскага, Марыі Паўлікоўскай-Яснаржэўскай, Кшыштафа Каміля Бачыньскага і Уладзіслава Бранеўскага. Прадставілі і творы блізкіх іх сэрцу мясцовых паэтаў.
Усе фіналісты прадставілі па два творы. Падчас суботняга гала-канцэрта адбылося спецыяльнае славесна-музычнае прадстаўленне, пастаноўку якога ажыццявіў Матэвуш Сухаржэўскі. Музыку да гэтага спектакля напісала Агнешка Глінская.
Конкурс “Крэсы” атрымаў фінансавую падтрымку ад Канцылярыі Прэм’ер-міністра, а таксама ад горада Беласток, дапамогу таксама аказалі спонсары.
Крыніца: wb24.org/radio.bialystok.pl
Fot. facebook.com/KonkursRecytatorskiKresy
