Антоній Янушкевіч, які нарадзіўся 22 ліпеня 1927 года ў вёсцы Янаўляны (Лідскі раён), быў ва ўсіх адносінах вельмі вядомым чалавекам у Лідзе. Ён быў добрасумленным працаўніком на чыгунцы, любячым мужам і бацькам чацвярых дзяцей, арганістам у лідскай Фары. Рызыкуючы ўласным жыццём у савецкія часы, ён выратаваў ад знішчэння старыя польскія харугвы, якія захоўваліся ў касцёле.
Гэта былі 1970-я гады, савецкая прапаганда знішчала ўсё шляхетнае, польскае і хрысціянскае. Савецкая сістэма рабіла ўсё, каб прынізіць і знішчыць чалавека, які адстойвае не камуністычныя каштоўнасці.
Антоній Янушкевіч ў лiдскай Фары
Працуючы арганістам, пан Антоній даведаўся, што ў касцёле можа быць ператрус. У той час на страсе касцёла захоўваліся старыя польскія харугвы, якія пан Антоній вырашыў выратаваць. Ён скруцiў усе харугвы (іх было сем), апрануў шырокую мантыю і патаемна вынес іх з храма. Сапраўды, праз некалькі дзён у касцёле быў ператрус… нічога не знайшлі.
Цікавыя часы перажылі харугвы. Яны захоўваліся ў сцяне, замураваныя ў печы, якая не тапілася, на страсе, а таксама пад матрацам у дзіцячым ложку, з якім звязана іншая гісторыя…
Пазней зноў быў ператрус, на гэты раз у доме пана Антонія. Абшукалі ўсё. Усё параскідвалі, паразбівалi…. У той час дачка арганіста была яшчэ маленькім дзіцём і ляжала ў ложачку з харугвамі, схаванымі пад матрацам. Усю хату перавярнулi, дзiця не чапалі. Пайшлі, пагражаючы забраць у лагер ўсю сям’ю…
Харугвы яшчэ жывыя і ў надзейных руках.
Пасля смерці спадар Антоній быў узнагароджаны залатым медалём Ахоўніка месцаў нацыянальнай памяцi.
