На мінулым тыдні фонд “Маладыя Крэсы” у супрацы з беларускай патрыятычнай арганізацыяй “Рух” арганізаваў пікет салідарнасці з Польшчай і польскімі салдатамі, якія абараняюць мяжу ад нападаў нелегальных імігрантаў, прывезеных рэжымам Лукашэнкі. Мерапрыемства было накіравана на выказванне падтрымкі дзеянням Пагранічнай службы і Узброеных сіл Польшчы, а таксама на ўшанаванне памяці трагічна загінуўшага салдата Матэвуша Сітэка.
Пікет пачаўся з хвіліны маўчання ў памяць аб загiнулым польскiм салдату Матэвушу Сітэку, які загінуў ад рук імігранта. Падчас сходу скандаваліся лозунгі: “Вечная памяць Матэвушу”, “Слава і гонар героям”, “Стоп гібрыднай вайне”, “Салідарныя з польскімі салдатамі”, “Няхай жыве Польшча” і “Жыве Беларусь”. Актывісты трымалі ў руках польскія і гістарычныя беларускія сцягі, а таксама банер з надпісам “Слава абаронцам Міжмор’я”.
Падчас пікету выступілі: кс. Вячаслаў Барок, адзін з найбольш актыўных беларускіх святароў, які ў выніку рэпрэсій эміграваў у Польшчу, Міраслаў Капцэвіч, прэзідэнт фонда «Маладыя Крэсы», і Ян Ліс, прадстаўнік арганізацыі «Рух». Кожны з прамоўцаў падкрэсліваў важнасць салідарнасці і падтрымкі паміж народамі былой Рэчы Паспалітай перад абліччам расійскай пагрозы і неабходнасць ушанавання памяці герояў, якія аддалі свае жыцці, абараняючы сваю Айчыну.
Ксёндз Барок у сваім выступе адзначыў, як важна не забывацца пра ахвяры, якія нясе абарона межаў, а таксама заўсёды імкнуцца да праўды і справядлівасці. Міраслаў Капцэвіч падкрэсліў ролю маладога пакалення ў пабудове будучыні, заснаванай на патрыятычных каштоўнасцях і салідарнасці паміж нашымі нашымі народамі. Ян Ліс выйшаў з прапановай пашырыць Літоўска-Польска-Украінскую брыгаду і на Беларусь.
Удзельнікі мерапрыемства выказалі спадзяванне на далейшыя дзеянні ў падтрымку польскіх салдатаў, а таксама на працяг супрацоўніцтва паміж патрыятычнымі арганізацыямі двух народаў.
