На падставе пастановы ўрада нумар 585 была размешчана форма характарыстыкі кіраўніцтва і работнікаў арганізацыі, гаворыцца ў паведамленні, размешчаным у сераду на сайце Нацыянальнага прававога інтэрнэт-партала.
“Пры накіраванні характарыстыкі па запыце дзяржоргана, іншай дзяржарганізацыі, а таксама арганізацыі, больш за 50% акцый (долей у статутным фондзе) якой знаходзіцца ў дзяржаўнай уласнасці, у абавязковым парадку таксама будуць змяшчацца звесткi аб адносінах да дзяржаўных і грамадскіх інстытутаў, канстытуцыйнага ладу; аб дзеяннях супраць парадку кіравання і грамадскай бяспекі, наяўнасці антыдзяржаўных праяў работніка на працоўным месцы “, – гаворыцца ў паведамленні.
Акрамя таго, характарыстыкі павінны адлюстроўваць наступную інфармацыю: прафесійна-дзелавыя якасці супрацоўніка (кампетэнтнасці, працаздольнасць, працавітасць, ініцыятыўнасць, гатоўнасць да павышэння прафесійнага ўзроўню); маральныя якасці (адказнасць, прыстойнасць, актыўнасць); удзел супрацоўнікаў у сацыяльным жыцці калектыву і г.д.
