У інтэрв’ю генеральнаму дырэктару расійскага прапагандысцкага агенцтва Russia Today Дзмітрыю Кісялёву беларускі палітык Аляксандр Лукашэнка заявіў, што леташнія прэзідэнцкія выбары ў Польшчы былі сфальсіфікаваныя і прэзідэнт Анджэй Дуда не набраў нават паловы галасоў.
«Ведаеце, як Дуда перамог? Ён не набраў 50% галасоў” – сказаў беларускі палітык. Aдказваючы на пытанне Дзмітрыя Кісялёва, ці былі выбары сфальсіфікаваныя, Аляксандр Лукашэнка адказаў станоўча: «Абсалютна».
Не абышлося і без абразаў у адрас прэзідэнта Анджэя Дуды і лідараў кіруючай партыі «Права і справядлівасць» — Яраслава Качыньскага і Матэўша Маравецкага.
Пра апазіцыйных палітыкаў Аляксандр Лукашэнка выказаўся больш мякка: «Туск — моцны палітык».
