Урад Літвы палічыў пагадненне паміж «Беларуськаліем» і Літоўскай чыгункай супярэчлівым нацыянальным інтарэсам краіны і вырашыў разарваць яго 1 лютага 2022 г.
Некаторы час таму ў Літве разгарэўся скандал пасля таго, як ЗША ўвялі санкцыі супраць «Беларуськалія», а Літоўская чыгунка працягнула транзіт беларускай прадукцыі праз літоўскую тэрыторыю, за што ўжо атрымала ад Беларусі перадаплату.
Прэзідэнт Літвы Гітанас Наўседа заявіў, што сітуацыя вакол «Беларуськалія» моцна пашкодзіла рэпутацыі дзяржавы. Адпаведна, Міністэрства транспарту Літвы абвясціла аб планах прапанаваць ураду ўвесці санкцыі супраць «Беларуськалія» на нацыянальным узроўні.
