Польскі журналіст Пётр Чабан апублікаваў відэа, на якім бачна, як беларускія сiлавікі жорстка абыходзяцца з мігрантамі.
На відэа бачна, як з беларускага боку людзі ў ваеннай форме збіваюць мігрантаў дубінкамі. Запіс быў зроблены некалькі дзён таму.
Памежная служба Польшчы запатрабавала тлумачэнняў ад сваіх калег з беларускага боку. Беларускі бок запэўніў аб «высвятленні абставінаў здарэння».
Нагадаем, што рэжым у Мінску працягвае абвінавачваць Польшчу ў нібыта бесчалавечным абыходжанні з бежанцамі і імігрантамі.
