Незалежнае кіно, створанае беларусамі, заваёўвае новыя вяршыні.
У гэтым тыдні фільмы шэрагу аўтараў, звязаных з Беларуссю, атрымалі ўзнагароды Міжнароднага фестывалю дакументальнага кіно ў Амстэрдаме (IDFA). Міжнародны фестываль дакументальнага кіно ў Амстэрдаме праводзіцца з 1988 года. 25 лістапада IDFA абвясціў пераможцаў у кожнай намінацыі.
Узнагарода за лепшы фільм
Прыз за лепшы фільм (15 000 еўра) атрымаў Сп. Ландсбергіс, (Літва, Нідэрланды) Сяргея Лазніцы. Сяргей Лазніца – украінскі рэжысёр беларускага паходжання.
Фільм Сп. Ладнсбергіс складаецца з інтэрв’ю, кадраў з хронікі, распавядае пра развал Савецкага Саюзу і ролю Вітаўтаса Ландсбергіса, аднаго з заснавальнікаў аб’яднання «Саюдзіс» (якое змагалася за незалежнасць Літвы), былога дэпутата Вярхоўнага Савета. Літоўскай ССР. Ландсбергіс узначаліў гістарычную сесію парламента, на якой быў абвешчаны Акт аднаўлення Літоўскай дзяржавы, абвяшчаюшчы незалежнасць Літвы.
«Ажывіць гісторыю няпроста. Яшчэ цяжэй зрабіць гэта захапляльным, тэрміновым і цалкам узбагачаючым, каб адчуць, што мы зноў перажываем тое, што адбываецца. На кожным узроўні майстэрства фільм-пераможца ўяўляе сабой манументальнае дасягненне, якое цалкам даследуе ролю, якую адзін чалавек, адна нацыя і адзін гістарычны момант могуць адыграць ў пастаянна развіваючайся гісторыі глабальнай барацьбы за свабоду і самавызначэнне. Прэмія IDFA 2021 за лепшы фільм у міжнародным конкурсе прысуджаецца ашаламляльна поўнаму і уцягваючаму Сп. Ладнсбергіс Сяргея Лазніцы», — заявіла журы.
Прыз за лепшую аператарскую работу (15 000 еўра) атрымала расійска-беларуская стужка «Куды мы ідзем», знятая і зрэжысіраваная Русланам Фядотавым.
Прэмія IDFA за найлепшы кароткаметражны дакументальны фільм
Фільм Паўла Можара «Метадычка» (Германія, Беларусь) атрымаў прэмію IDFA за найлепшы кароткаметражны дакументальны фільм. Ажыццяўляючы гэты праект, рэжысёр ператварыў свой пакой у студыю, дзе разыгрываў працэс прымусовага атрымання паказанняў ад сведак.
Прэмія IDFA за лепшы мастацкі фільм
Адну з 4-х міжсекцыйных узнагародаў, а менавіта прэмію «Лепшы мастацкі фільм», атрымаў таксама фільм «Куды мы ідзем», зняты і зрэжысіраваны Русланам Фядотавым.
