Падчас апошняга доўгага майскага ўік-энду, каля брамы віленскай некраполіі, адбыўся збор сродкаў на акцыю «Помнікам Росаў». Мерапрыемства завяршылася ўражлівым поспехам, паколькі ўдалося сабраць суму ў два разы большую, чым у папярэднім годзе. У асноўным донарамі былі турысты з Польшчы, якія гэтымі днямі масава наведвалі Вільню і Росы.
Грамадскі камітэт па доглядзе Старых Росаў (SKOnSR), арганізатар збору сродкаў, выказаў вялікую падзяку ўсім валанцёрам і донарам. «Дзякуючы шчодрасці і самаахвярнасці многіх людзей мы можам працягваць нашу працу па захаванні гэтых выдатных помнікаў гісторыі нашай нацыянальнай спадчыны», — сказаў старшыня камітэта Дарыюш Жыбарт.
Сабраныя сродкі будуць накіраваны на рэстаўрацыю чарговых гістарычных надмагілляў, у тым ліку помніка харцэрцы Лілі Кляноўскай на Новых Росах. Рэнавацыя гэтага манумента таксама з’яўляецца жэстам падзякі польскім харцэрам, якія актыўна падтрымліваюць ініцыятывы SKOnSR.
Дзякуючы намаганням Камітэта на Росе ўжо было адрэстаўравана больш за 200 помнікаў, а дзясяткі новых былі ўзведзены. У планах на бягучы год – рэстаўрацыя амаль 20 дадатковых манументаў, што сведчыць аб нястомным клопаце аб захаванні гэтай гістарычнай некраполіі.
Могілкі на Росах – гэта адна з чатырох польскіх нацыянальных некраполій. Менавіта там знаходзіцца сэрца маршала Юзэфа Пілсудскага, цела Яахіма Лелевеля і паэта Уладзіслава Сыракомлі.
На падст. zw.lt, facebook.com
Фота: wikimedia commons
